16, იანვარი 2017 08:18:25
აჭარის განათლების, კულტურისა და სპორტის სამინისტრო წელს „სამუზეუმო საქმიანობის განვითარების ხელშეწყობის“ პროგრამის განხორციელებას იწყებს. ამ მიმართულებით, უწყება 85 000 ლარს დახარჯავს. ქვეპროგრამის ფარგლებში სამუზეუმო მარკეტინგის გაუმჯობესება, საექსპოზიციო საქმიანობის ხელშეწყობა, ფონდების მართვის თანამდებროვე სტანდარტების დანერგვა და საგანმანათლებლო საქმიანობის ხელშეწყობაა დაგეგმილი. ცვლილებები შევიდა არამატერიალური კულტურული მემკვიდრეობის დაცვისა და პოპულარიზაციის პროგრამაში. წელს პირველად, სამინისტრო ხალხური რეწვის ნიმუშების შესანარჩუნებლად და გადასარჩენად ხუთი სახელოსნოს დაფინანსებას გეგმავს. კიდევ რა სიახლეები განხორციელდება კულტურის მიმართულებით და რა იქნება სამინისტროს მთავარი პრიორიტეტი იხილეთ ჩვენს მომდევნო გამოშვებაში.