12, აპრილი 2017 17:09:00
აღდგომის დღესასწაულთან დაკავშირებით დღეს საქართველოს პრეზიდენტმა 91 მსჯავრდებული შეიწყალა. შეწყალების კომისიის თავმჯდომარე ზვიად ქორიძის განცხადებით, პრეზიდენტმა შეწყალების აქტს ხელი მოაწერა და 62 მსჯავრდებული საპატიმრო დაწესებულებას დღესვე დატოვებს. 29 პატიმარს კი, სასჯელი სხვადასხვა ვადით შეუმცირდა. შეწყალებულებს შორის 4 ქალია. შეწყალების კომისია 4-დან 6 აპრილის ჩათვლით მუშაობდა და 579 პირის საქმე განიხილეს.