02, სექტემბერი 2019 16:57:00
ღურტას საბავშვო ბაღის გამგე გათავისუფლებულია - ამის შესახებ "TV 25"-ს ხულოს მერმა აცნობა. ვახტანგ ბერიძის თქმით, მედეა მამულაძემ წასვლის შესახებ განცხადება თავად დაწერა და გადაწყვეტილება მისი მითითებით არ მომხდარა.
შეგახსენებთ, მედეა მამულაძის თანამდებობიდან გათავისუფლების საკითხის დღის წესრიგში მაშინ დადგა, როდესაც „TV 25“-მა დაწესებულებაში არსებული სიტუაციის ამსახველი ვიდეო კადრები გაავრცელა. ფარული ჩანაწერების თანახმად, გამგე თანამშრომლებს სიტყვიერ და ფიზიკურ შეურაცხყოფას აყენებდა, გარდა ამისა ჩვენს მაუწყებელთან კომენტარის გაკეთებისას მამულაძე იმ მაღალჩინოსნებს ასახელებდა, რომლებიც მისი თქმით, მას მფარველობენ.
ფიზიკური შეურაცხოყოფის ფაქტზე შინაგან საქმეთა სამინისტრომ გამოძიება დაიწყო.
ამავე თემაზე: