03, სექტემბერი 2019 10:39:00
ჟურნალისტი ტატო ცეცხლაძე, რომელიც ამ ეტაპზე ემიგრაციით ამერიკაში იმყოფება სოციალური ქსელის საკუთარ გვერდზე მიმართვას ავრცელებს, რომელსაც უცვლელად გთავაზობთ:
გიორგი გახარია პრემიერია. ცხვარი პარლამენტის მიერ არჩეულ იქნება! ამ დროს რაც მახარებს ისაა, რომ 5 წელი ვერ ჩამოვალ ქვეყანაში. რომ ქართული პასპორტის გამოყენების უფლებაც კი არ მაქვს. მეზიზღება დღევანდელი ქართული პოლიტ ისტებლისშმენტი და მადლობა ამერიკას, რომ მე, როგორც ჩემი ქვეყნისგან განდევნილი მიმიღო.
მე მიყვარს საქართველო. ისე მიყვარს, რომ არც კი მეგონა ასე თუ მიყვარდა. მე მიყვარს ჩემი სამშობლო ხალხით, მიწა-წყლით, წარსულით და მომავლით. ოღონდ სანამ ეს ხელისუფლება იქნება, მანამ ჩემი ფეხი არ იქნება ამ ქვეყანაში. და როდის ჩამოვალ საქართველოში? პასუხი შემდეგია: სანამ ეს უსუსური არარაობები, სკამს დახამებული ერთუჯრედიანები იქნებიან ხელისუფლებაში მანამდე არა.
აქვე ბოდიში, მე თუ ოდესმე მათი მხარდაჭერა გთხოვეთ ან თუნდაც მეგობრულ საუბარში მითქვამს კარგი. ორი ფაქტორი იყო. 2012-ში მიშას და მის გუნდს ძაან გაჯმული ჰქონდა და უნდა წასულიყვნენ. ეს იყო ჩემი, როგორც მოქალაქის აზრი. მერე ამათაც გაიჯვეს და 2017-ში ჩემი ნება აღარ იყო, უბრალოდ მაიძულეს. რა და როგორ? ჰმ. აქ არ დავწერ. მაგრამ ფაქტები რომ მქონდა, ამიტომ მაქვს დღეს ამერიკაში პოლიტ დევნილის სტატუსი, რაც რეკორდულ მოკლე დროში, 3 თვეში მომანიჭეს.
მე მათ (დღევანდელმა ხელისუფლებამ) წამართვა ,,აწყობილი,, ცხოვრება, კარიერა, ჩემი წვალებით ნაყიდი და გარემონტებული ბინა, პერსპექტივა და რაც მთავარია, მეგობრებთან, ნათესავებთან და საყვარელ ადამიანებთან ურთიერთობის ბედნიერება. მე მანდ წამართვეს ახალგაზრდობის საუკეთესო წლები. ღმერთო, დალოცე საქართველო!