04, სექტემბერი 2019 21:02:00
TV 25-ის ჟურნალისტების ინტერესებს ორგანიზაცია „საქართველოს ახალგაზრდა იურისტთა ასოციაცია“ იცავს. საინფომრაციო სამსახურის უფროსი სულხან მესხიძე და ჟურნალისტი ეკა ბარამიძე, ბათუმის მთავარ სამმართველოში, გამოკითხვაზე გუშინ იმყოფებოდნენ. ტელეკომპანიის წარმომადგენლებმა გამომძიებლებს მუქარის შემცველი შეტყობინენების ასლები გადასცეს, რომელიც ღურტას საბავშვო ბაღის ყოფილი გამგისგან მიიღეს. მედეა მამულაძე სულხან მესხიძეს და ეკატერინე ბარამიძეს ფიზიკური ანგარიშწორებით ემუქრება. ყოფილი საჯარო მოხელის გაღიზიანება იმ ფაქტმა გამოიწვია, რომ „მაცნემ“დაწესებულებაში არსებული მდგომარეობის შესახებ სიუჟეტი მოამზადა. საუბარია თანამშრომლებს შორის მომხდარ ჩხუბსა და სიტყვიერი შეურაცხყოფის ფაქტებზე. დასაქმებულები ყოფილ ხელმძღვანელს შევიწროებაში ადანაშაულებენ.