11, სექტემბერი 2019 20:16:00
ცოტა ხნის წინ, ბათუმი - ახალციხის დამაკავშირებელი გზის ხელვაჩაურის მონაკვეთზე ავტოსაგზაო შემთხვევა მოხდა. ერთმანეთს ორი მსუბუქი ავტომობილი შეეჯახა. როგორც "TV 25"-ს თვითმხილველი ადგილიდან ატყობინებს, დამტვრეულია ორი მსუბუქი ავტომობილი, ერთი ადამიანი კი დაშავდა. მომხდარის გამო, საავტომობილო მიმოსვლა რამდენიმე წუთის განმავლობაში შეფერხებული იყო.
როგორც ბათუმის სამედიცინო დახმარების ცენტრში აცხადებენ, დაშავებულმა მოქალაქემ კლინიკაში გადაყვანაზე უარი განაცხადა.
ფაქტზე შინაგან საქმეთა სამინისტრომ მძღოლი ადმინისტრაციული წესით დააჯარიმა.
ფოტო: არქივიდან