11, სექტემბერი 2019 21:25:00
ბათუმში შავი ზღვის სანაპირო ქვეყნების რიგით მე-15 კონფერენცია იმართება, სადაც შავი ზღვის აუზის ქვეყნებს შორის გამოცდილების გაზიარებასა და შავ ზღვაზე ძებნა-გადარჩენის სფეროში თანამშრომლობის გაძლიერების საკითხები განიხილება. 13 სექტემბერს კი შავ ზღვაზე წვრთნები ჩატარდება, რომლის ფარგლებშიც შემოწმდება ზღვაზე ადამიანის ძებნა-გადარჩენის ოპერაციისას, შესაბამისი ორგანოები რამდენად კოორდინირებულად იმოქმედებენ. სწავლებაში ჩაერთვება შავი ზღვის ქვეყნების 6 გემი, 4 კატარღა, 2 ბუქსირი და 1 შვეულმფრენი.