• რუჯის მიღება მზისგან დამცავი საშუალების  გარეშე

ზაფხულში ულტრაიისფერი სხივებისგან დაცვა აუცილებელია განსაკუთრებით კი  სახის კანისთვის.  მზისგან დამცავი საშუალება  უნდა წაისვავათ სახეზეც.ასევე აუცილებელია კისრისა და დეკოლტეს მიდამოებში, თუ გინდათ რომ კანი მალე არ დაბერდეს.

• სახეზე ხშირი შეხება

სახის კანს ასევე აბერებს და ინფექციების რისკს ზრდის სახის კანზე ხშირი შეხება. მიკრობები, რომელიც სახეზე ხელის მოკიდებისას მრავლდება, ხშირად სხვადასხვა ინფექციასა და ნაოჭებს იწვევს. 

• თვალების მოსრესა

თვალების სრესა სხვადასხვა ინფექციის გამრავლების მიზეზი შეიძლება გახდეს, ასევე შესაძლოა წამწამები დაზიანდეს. თვალების სრესა ხშირად დაღლილობის შედეგია, ამიტომ მოარიდეთ კომპიუტერთან დიდხანს ჯდომას და ეცადეთ შეისვენოთ.  

• ზედმეტი კოსმეტიკა

სასაცილო შესახედაობის გარდა, ზედმეტმა მაკიაჟმა და კოსმეტიკამ შესაძლოა კანიც დაგიზიანოთ. სახის ფორები მაკიაჟით ივსება და კანი ვეღარ სუნთქავს. ფორებში ჩამჯდარი ჭუჭყი კი  სხვადასხვა ინფექციას იწვევს და კანს ნაადრევად აბერებს. ამიტომ უპირატესობა მიანიჭეთ სახის ბუნებრივ ფერს და უარი თქვით ყოველდღიურად საღამოს მაკიაჟსა და გადაჭარბებულ კოსმეტიკაზე.

• ფეხის ფეხზე გადადება

თუკი ცხოვრების მჯდომარე წესი გაქვთ, მოერიდეთ ფეხის ფეხზე გადადებას. ამ მავნე ჩვევამ, შესაძლოა, ვარიკოზი გამოიწვიოს. გარდა ამისა, შესაძლოა   სისხლის მიმოქცევა დაირღვეს, რაც თქვენს ორგანიზმზე ცუდად აისახეება.ამიტომ აკონტროლეთ ჯდომის წესი.

• გადამეტებული ვარჯიში

ყველა თანხმდება, რომ ვარჯიში და ფიზიკური აქტივობა ჯანმრთელობისთვის აუცილებელია, თუმცა გადაჭარბებული ფიზიკური აქტივობა შესაძლოა სხვადასხვა პრობლემის მიზეზი გახდეს.მათ შორის გამოიწვიოს გადაღლა, გულის რიტმის დარღვევა და თავის ტკივილიც კი. ამიტომ უმჯობესია საკუთარ ორგანიზმს მოუსმინოთ და სავარჯიშო განრიგი იმის მიხედვით შეადგინოთ.

• სველი თმის დავარცხნა ან  ცხელი ჰაერით გაშრობა

თუკი სველ თმას დაივარცხნით ან ზედმეტად  ცხელი ჰაერით გაიშრობთ  თმა მარტივად გამოშრება და დაზიანდება.  გაიშრეთ თმები საშუალო ტემპერატურის რეჟიმზე.

• რძის ჭარბი რაოდენობით  მიღება

ცნობილია, რომ  რძე მდიდარია კალცისა და უამრავი სასარგებლო ნივთიერების წყაროა, თუმცა დიდი რაოდენობით მისი მიღება მალე აბერებს.   რძე შეიცავს ანდროგენებს, რაც ცხიმოვანი ჯირკვლების გაძლიერებულად მუშაობას განაპირობებს. ამიტომ რძის ჭარბად დალევა სახის კანის დაბერებას იწვევს. 

• "ცხენის კუდის“ ტარება

გრძელი თმის შემთხვევაში, ხშირად მარტივი გამოსავალია ატარო "ცხენის კუდი", თუმცა მუდმივად ამ ვარცხნილობის ტარებამ შესაძლოა თმის ცვენა და გამელოტება გამოიწვიოს. ამიტომ სასურველია ხშირად თმა გაშლილი ატაროთ.

• წყენის ხანგრძლივად გულში შენახვა

გარეგნობაზე არანაკლებ აისახება სულიერი მდგომარეობა და ხასიათი, ამიტომ ფსიქოლოგები გვირჩევენ მუდამ შევინარჩუნოთ პოზიტიური განწყობა. რაც არ უნდა გასაკვირი იყო წყენა წონის, წნევისა და შაქრის დონის მომატებას უწყობს ხელს.

Tags:

გაზიარება

281