უდგება თუ არა სახლმწიფო მუსლიმებისთვის მეჩეთის მშენებლობის საკითხს დისკრიმინაციულად? დავა, რომელიც წლებია მიმდინარეობს. თემი სამლოცველოს აშენებას უკვე მესამე წელია აქტიურად ითხოვს, სახელწიფო მიწის გამოყოფაზე ნებართვას არ გასცემს. ხატია გოგრაჭაძე დაესწრო დღეს სასამართლო სხდომას და რა გადაწყდა - ამას მისი სიუჟეტიდან გავიგებთ
ბათუმში, მეჩეთის მშენებლობის საკითხზე მოსამართლემ გადაწყვეტილება, დღესაც, ვერ მიიღო. სასამართლომ მხარეთა რეპლიკები მოისმინა, რის შემდეგაც ჯუმბერ ბეჟანიძემ განაცხადა, რომ ვერდიქტი ორი კვირის შემდეგ, სამართლებლივი ანალიზის შედეგად, გახდება ცნობილი.
ორგანიზაცია „შწავლებისა და მონიტორინგის ცენტრის“ წარმომადგენლები, რომლებიც მუსლიმი თემის ინტერესებს იცავენ, მთავარ წინააღმდეგობას ხელისუფლებისგან ხედავენ. თამთა მიქელაძე მიიჩნევს, რომ სახელმწიფო პოლიტიკა რელიგიურ წრეებთან, კერძოდ, მუსლიმებთან პრობლემურია. ამბობს, რომ საკითხზე ორმხრივი მსჯელობისას ვერ დაინახა, რომ ლაშა კომახიძე მუსლიმების მერიც არის.
მოსარჩელე მხარის ადვოკატი მიიჩნევს, რომ ბათუმის მერიას, საკითხზე, ფორმალური მიდგომა აქვს. მერი ალაპიშვილის შეფასებით, თვითმართველობის მხრიდან, მშენებლობაზე უარის თქმის დასაბუთება იმ მოტივით, რომ ტერიტორია ინტენსიური განაშენიანების ზონაა და დაუშვებელია საკულტო ნაგებობის მშენებლობა, სუსტია.
მეჩეთის მშენებლობის ფონდის თავმჯდომარე ამბობს, რომ ხელისუფლება იმ მიწის ნაკვეთის მითვისებას ცდილობს, რომელიც მოქალაქეებმა თავიანთი ფულით შეიძინეს. ნოდარ პაქსაძის თქმით, ტერიტორიაზე, სადაც მეჩეთის მშენებლობას ითხოვენ მიმდებარედ რვა ეკლესიაა, რის საფუძველზეც, სახელმწიფოს დისკრიმინაციულ მიდგომებზე საუბრობს.
ბათუმის მერიის წარმომადგენელმა მედიასთან კომენტარი არ გააკეთა. პროცესის მსვლელობისას კი მოსამართლეს მიმართა, რომ ადმინისტრაციული ორგანოსთვის სასურველია, მოსარჩელის მოთხოვნა არ დაკმაყოფილდეს.
დავა, ბათუმის მერიასა და მუსლიმ თემს შორის, 2017 წლიდან მიმდინარეობს. საბოლოო გადაწყვეტილება 26 სექტემბერს გახდება ცნობილი.
6
s
s
s