თბილისში, ჭავჭავაძის გამზირზე მიწისქვეშა სარეაბილიტაციო სამუშაოების დროს მუშა დაიღუპა. საგანგებო სიტუაციების მართვის სამსახურში განაცხადეს, რონ სამუშაოების დროს მიწა ჩამოიშალა და მუშა მოიყოლა. მათივე ცნობით, ადგილზე მისულ მაშველებს მუშა დაღუპული დახვდათ.

„შეტყობინება იყო შემოსული. მაშველებს ადგილზე დახვდათ გარდაცვლილი მუშა, რომელიც მიწის თხრის სამუშაოებს აწარმოებდა და მიწის ქვეშ მოყვა. მიმდინარეობს ცხედრის ამოყვანის სამუშაოები“, – განაცხადეს შსს-ს საგანგებო სიტუაციების მართვის სამსახურში.