მოქალაქე ბათუმის მერიას ეთნიკური ნიშნით დისკრიმინაციაში ადანაშაულებს. ეროვნებით სომეხი, ამტკიცებს, რომ მისი სახლის გვერდით დაწყებულმა მშენებლობამ სახლი დაუზიანა. პეტოიანის ადვოკატი ზარალის კომპენსირებას ითხოვს. მერია კი პასუხისმგებლობას საკუთარ თავზე არ იღებს.
საქართველოს მოქალაქე გარნიკ პეტოიანი მიიჩნევს, რომ მისი უფლებები მეზობლის მიერ განხორციელებული მშენებლობით, დაირღვა. როგორც თავად ამტკიცებს, მშენებლობისას ქვეყანაში არ იმყოფებოდა და შინ დაბრუნებულს არსებული მდგომარეობა დახვდა. მისი თქმით, მშენებლობის პროცესმა, საკუთრებაში არსებული სახლიც დააზიანა.
პეტოიანის თქმით, ბათუმის მერიის შესაბამის სამსახურს, დახმარების თხოვნით, რამდენჯერმე მიმართა, მაგრამ როგორც თავად ამბობს, უწყებაში უპასუხეს, რომ დაპროექტებისას შეცდომა წინამორბედებმა დაუშვეს და ხარვეზის გამოსწორების გამოსწორების ალტერნატივას ვერ სთავაზობენ. გარიკ პეტოიანი ეთნიკური ნიშნით დისკრიმინაციაზეც საუბრობს. ამტკიცებს, რომ ეროვნებით სომეხი, რომ არ ყოფილიყო მერია ამ მშენებლობას არ დაუშვებდა.
პეტოიანის ადვოკატის თქმით, პროექტის ნებართვა, თავის დროზე, სამართალდარღვევით გაიცა და დამპროექტებელს წითელი ხაზის საზღვრები უნდა გაეთვალისწინებინა. მარინა ბაბუნაშვილი ამბობს, რომ მშენებლობის ნებართვის უსამართლობაზე ისიც მეტყველებს, რომ მერიამ კორპუსის მეპატრონე, პეტოიანების ეზოს მხარეს არსებული, ღია აივნების დახურვით დაავალდებულა.
ბათუმის მერიაში, მხოლოდ სიტყვიერი კომენტარით შემოიფარგლნენ და გვითხრეს, რომ ეს კორპუსი სასამართლოს გადაწყვეტილების საფუძველზე ააშენა მესაკუთრემ. საკითხი კი, მეზობლებს შორის არსებული კერძო დავაა, რაც უწყების პრესცენტრის თქმით, მერიის კომპეტენციას ცდება. კორპუსი, რომელიც პეტოიანის მომიჯნავედ აშენდა, მესაკუთრეს ყველა საჭირო სანებართვო დოკუმენტაცია გააჩნია.
5
s
s
s