21, აპრილი 2017 20:14:00
შავ ზღვაში დაკარგული ქართველი მეზღვაურის ლაშა ქაჯაიას ოჯახი ხელისუფლებას მიმართავს. დაკარგული მეზღვაურის ნათესავებს სურთ რომ ხელიუსუფლებამ უშუამდგომლოს სამაშველო სამსახურებთან და ძებნა გაგრძელდეს. ტრაგედიის ადგილას უკვე იმყოფება მეზღვაურის ძმაც. რუსული და უკრაინული სააგენტოების ცნობით თურქული გემის "გეროი არსენალის" დაკარგული ეკიპაჟის წევრების აქტიური ძებნა დღეს შეწყდა. სამძებრო სამუშაოებში რუსეთის სამაშველო სამსახურების 150 მდე თანამშრომელი, ვერტმფრენები, მყვინთავები და სამაშველო კატარღები იყო ჩართული. დღეიდან ძებნას კატასტროფის ადგილას მცურავი გემები განახორციელებენ. კატასტროფის დროს გემზე ეკიპაჟის 12 წევრი იმყოფებოდა, რომელთაგან ერთი ცოცხალია, სამის ცხედარი იპოვნეს, დანარჩენი კი უგზო-უკვლოდ დაიკარგა.