04, ოქტომბერი 2019 20:40:00
ახლა კი კიდევ ერთ ადამიანს გაგაცნობთ კიდევ, რომელიც პასუხიმსგებლობას იღებს მოვლაზე, ამჯერად არა ცხოველის, არამედ ფრინველის. მტრედებზე შეყვარებულ ნატოს , ქალაქში უბრალოდ ნატოთი იცნობენ. რამ გადააწყვეტინა ქალს სურვილი ყოველდღიურ საქმიანობად ექცია? ხატია გოგრაჭაძე მოგიყვებათ
ეს უბრალოდ ნატოა, დიდი მზრუნველობით. ორ წელზე მეტია მტრედებს აპურებს. ზუსტად არ ახსოვს, ამ ხნის მანძილზე, რამდენი ფრინველი გამოუკვებავს, თუმცა ყველა მათგანს კარგად სცნობს და სახელებიც კი აქვს შერქმეული.
ყველაფერი, ახლო მეგობრის გარდაცვალების შემდეგ, ერთი, თეთრი მტრედის სტუმრობით დაიწყო. ფრინველს, მეგობრის სახელი, ირინა, დაარქვა. ირინამ კი საიმედო ადგილზე, სხვა მტრედებიც მოიყვანა.
ბათუმში, მელიქიშვილის ქუჩაზე მაღაზიაში მუშაობს. გვიყვება, რომ საჭმლის მიწოდების დაგვიანების შემთხვევაში, მტრედები, შენობაში აკითხავენ.
ოჯახის სხვა წევრების მცდელობის, მიუხედავად ფრინველები, საკვებს, მხოლოდ ნატოსა და მისი შვილიშვილისგან ღებულობენ. ბარბარეს, ბებიის მსგავსად, მტრედებზე ზრუნვა, ბაღში წასვლამდე, მთავარ საქმიანობად და სურვილად აქვს ქცეული.
მტრედების გარეშე ერთი დღეც ვერ წარმოუდგენია. გვითხრა, რომ მისთვის ყველაზე მნიშვნელოვანი ისინი არიან. მთავარ პასუხისმგებლობად კი, მათზე ზრუნვას თვლის.
უბრალოდ ნატო - მას ყველა ასე იცნობს. დღეიდან კი, მისი უკიდეგანო გულისხმიერების შესახებ, უკვე, თქვენც იცით.