მსუბუქი ავტომობილებით გადაადგილების დროს საბავშვო სავარძლების გამოყენება შესაძლოა სავალდებულო გახდეს. საკანონმდევბლო ინიციატივა პარლამენტში უკვე დარეგისტრირდა. ცვლილებები დამოუკიდებელმა დეპუტატებმა ეკა ბესელიამ და ზვიად კვაჭანტირაძემ მოამზადეს. კანონპროექტის მიხედვით, 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანისას გამოყენებულ უნდა იყოს სპეციალური საბავშვო ეტლი, სავარძელი ან დამჭერი მოწყობილობა, რომელიც შეესაბამება ბავშვის სიმაღლესა და წონას.ინიციატორები განმარტავენ, რომ რეგულაციები საზოგადოებრივ ტრანსპორტზე არ გავრცელდება. დოკუმენტი ბიუროს სხდომას წარედგინება.

Tags:

• ავტომობილები
• ბავშვები
• კანონპროექტი

გაზიარება

7