08, ოქტომბერი 2019 20:18:00
ტელეკომპანია "TV 12" ადვოკატ პაატა შავაძის ირგვლივ განვითარებულ მოვლენებს ოფიციალური წერილით ეხმიანება, რომელსაც უცვლელად გთავაზობთ:
"მეორე დღეა საქართველოს რამდენიმე მედიასაშუალების საინფორმაციო გამოშვებების მთავარ თემად იქცა იურისტ პაატა შავაძის ფეისბუქგამოხმაურება დეპუტატ ილია ჯიშკარიანისა და მისი თანაშემწის თამთა თოდაძის ირგვლივ ატეხილ სკანდალზე. დილიდან გვიკავშირდებიან ჩვენი კოლეგები და გვთხოვენ კომენტარს ფაქტთან დაკავშირებით, ვინაიდან პაატა შავაძე მრავალ საზოგადოებრივ დატვირთვასთან ერთად ჩვენი მედიაორგანიზაციის იურიდიული სამსახურის ხელმძღვანელია.
როგორც პაატა შავაძე აცხადებს, მან გამოთქვა საკუთარი აზრი ფაქტთან, მოვლენასთან დაკავშირებით, რის უფლებასაც პირველ ყოვლისა საქართველოს კონსტიტუცია, შემდეგ, „გამოხატვის თავისუფლების შესახებ“ საქართველოს კანონი და ასევე საერთაშორისო სამართლებრივი აქტები ანიჭებს. ჩვენ, რა თქმა უნდა არ ვართ მომხრე სიძულვილის ენის, მაგრამ მიგვაჩნია, რომ პაატა შავაძე, თავისუფალია თავის განცხადებებში და ისევე, როგორც ნებისმიერ ჩვენგანს, უფლება აქვს გამოხატოს საკუთარი მოსაზრება, მიუხედავად იმისა, მოსწონს თუ არა ეს მავანს. ჩვენ, რა თქმა უნდა არ ვართ მომხრე არც იმ ბულინგისა, რომელსაც რიგი არასამთავრობოებისა და მედიასაშუალებების მხრიდან განიცდის ჩვენი კოლეგა. მიგვაჩნია, რომ დრო და სამართალი ყველა კითხვას გასცემს პასუხს, ჩვენ ვენდობით გამოძიებას და მყუან-მართლის განსჯის უფლებასაც საკუთარ თავს გამოძიების შედეგების გაცნობის შემდეგ მივცემთ" - აღნიშნულია განცხადებაში.