10, ოქტომბერი 2019 16:59:00
ოპოზიცია აჭარის მთავრობას კორუფციაში ადანაშაულებს. საუბარია მდინარე ჭოროხის გასწვრივ, შემოვლითი გზის დაუსრულებელ პროექტზე. ოპოზიციის მტკიცებით, ბიუჯეტიდან 4 მილიონი ლარი უშედეგოდაა გახარჯული. რეზო ხარაზი ამბობს, რომ აჭარის საგზაო დეპარტამენტმა არასრულყოფილი პროექტი შეისყიდა. მისივე თქმით, გზა უკვე დასრულებული უნდა იყოს, თუმცა ერთი წელია მშენებლობა შეჩერებულია. ნაციონალურ მოძრაობაში უსაფრთხოების ნორმების დარღვევაზეც საუბრობენ. ოპოზიცია სახელმწიფო აუდიტის სამსახურს საკითხით დაინტერესებისკენ მოუწოდებს.