11, ოქტომბერი 2019 19:01:00
ამ წუთებში ბათუმის საქალაქო სასამართლოში ''მერიის მაღალჩინოსნების'' პროცესი მიმდინარეობს. ადვოკატი რამინ პაპიძე ამბობს, რომ ისინი ბრალდებულების გირაოთი გათავისუფლებას ითხოვენ. გიორგი ერმაკოვი, ერგარსლან ლომაძე და არჩილ ვანაძე მზად არიან 100ათას 100 ათასი ლარი, გირაოს სახით გადაიხადონ. ადვოკატი ამბობს, რომ ასევე წარმოადგინეს ბათუმის მერიასთან გაფორმებული შეთანხმება, რომლის მიხედვითაც გიორგი ერმაკოვის დედის და არჩილ ვანაძის მამის ქონება დაყადაღდება. გამამტყუნებელი განაჩენის შემთხვევაში, კი ზიანი ჩადებული ქონებიდან ანაზღაურდება. 4 მაღალჩინოსანი ბაგრატ მანველიძე, თენგიზ პეტრიძე, ნუკრი ხინთიბიძე და ბექა ხალვაში 24 სექტემბერს გაათავისუფლა, არჩილ ვანაძე, ეგარსლან ლომაძე კი პატიმრობაში დატოვა.