სიუჟეტი: არქივიდან

ქობულეთში, მეგობრობის ქუჩის სკვერში ავთანდილ ცხვედიანის მემორიალი/ქანდაკება დაიდგმება, ადამიანის, რომელიც 2019 წლის 5 აგვისტოს თავისი ძაღლის გადასარჩენად შევიდა ადიდებულ ზღვაში და დაიღუპა. ქობულეთის მერიამ ტენდერი უკვე გამოაცხადა  ავთანდილ ცხვედიანის მემორიალის (ქანდაკება) ესკიზისა და საპროექტო-სახარჯთაღრიცხვო დოკუმენტაციის შესყიდვაზე. შესყიდვის სავარაუდო ღირებულება 6 000 ლარია.

ავთანდილ ცხვედიანი 51 წლის იყო. 2019 წლის 5 აგვისტოს ავთანდილ ცხვედიანი შტორმულ ზღვაში თავისი ძაღლების, ბასტისა და ჯესის გამოსაყვანად ორჯერ შევიდა, ერთის გამოყვანა შეძლო, მეორედ შესვლის შემდეგ კი დაიღუპა. მისი ოთხფეხა მეგობარი გადარჩა, ზღვიდან გამოსვლა შეძლო და რამდენიმე საათში დაბრუნდა სახლში.

ქობულეთის მერიის ცნობით, მემორიალის განთავსებით პატივი მიეგება ჰუმანურ აქტს და მემორიალი გახდება მეგობრობისა და თავგანწირვის სიმბოლო.

სატენდერო წინადადების თანახმად, ქანდაკების ესკიზი უნდა წარმოადგენდეს სივრცით კომპოზიციას, რომელიც არ უნდა იყოს კამერული ხასიათის. ქანდაკების ესკიზი უნდა იყოს თემატური, შთამბეჭდავი, ორიგინალური, მიმზიდველი, კონტაქტური და ადვილად აღქმადი. ქანდაკების ესკიზი გადაწყვეტილი უნდა იყოს თავისუფალი დიზაინის, სკულპტურულ
არქიტექტურული სინთეზის საშუალებით. გრაფიკული მასალების შესრულების მანერა – თავისუფალი. წარმოდგენილ მემორიალის (ქანდაკებას) ესკიზს უნდა ქონდეს საინფორმაციო ადგილი სადაც განთავსდება ინფორმაცია ქანდაკების შესახებ. ტენდერში წინადადებების მიღება 28 ოქტომბერს დასრულდება.

წყარო: batumelebi.ge

Tags:

• ცხოველები
• ქობულეთი
• ძაღლი
• ავთანდილ ცხვედიანი
• მეგობრობა

გაზიარება

11