ავტოსაგზაო შემთხვევა მოხდა თელავის მუნიციპალიტეტის სოფელ კონდოლთან. ერთმანეთს „მერსედესისა“ და „ტოიოტას“ მარკის ავტომობილები შეეჯახნენ. ავარიის შედეგად, ოთხი ახალგაზრდა კაცი მძიმედ დაშავდა. ისინი ყამბარაშვილის კლინიკასა და რეფერალურ საავადმყოფოში არიან მოთავსებული. ექიმის თქმით, ახალგაზრდების მდგომარეობა მძიმეა და ისინი რეანიმაციულ განყოფილებაში ექიმების დაკვირვების ქვეშ იმყოფებიან. ახალგაზრდებს, ძირითადად, თავისა და მუცლის ღრუს დაზიანებები აღენიშნებათ.

შინაგან საქმეთა სამინისტროს ინფორმაციით, მომხდარ ავტოსაგზაო შემთხვევაზე გამოძიება სსკ-ის 276-ე მუხლით მიმდინარეობს.

ფოტო: არქივიდან

ინფორმაციის წყარო: 1tv.ge

Tags:

• ავარია
• შემთხვევა
• დაშავებულები
• პოლიცია
• კახეთი

გაზიარება

2