15, ოქტომბერი 2019 21:31:00
გათავისუფლებენ თუ არა გიორგი ერმაკოვს გირაოს სანაცვლოდ? მოსამართლე დავით მამისეშვილი გადაწყვეტილებას ხვალ გამოაცხადებს. ასევე ხვალვე გახდება ცნობილი გათავისუფლდებიან თუ არა მერიის ყოფილი მაღალჩინოსნები არჩილ ვანაძე და ეგარსლან ლომაძე. “იაფი სახლის” პროექტი, რომელიც დავის საგანია გამხდარი. გაფლანგული მილიონ 370 ათასი ლარი და ბათუმის მერია დაზარალებულის სტატუსით. სასამართლო სხდომას დღეს გულნარა ლეფასაია დაესწრო
პროკურორმა, ბათუმის მოქმედი მერის მიერ უფლებამოსილების გადაჭარბება, მის მიერ ყოფილ მაღალჩინოსნებთან დადებულ ხელშეკრულებაში დაინახა. საუბარია შუამდგომლობაზე, რომლის მიხედვითაც ლაშა კომახიძე თანახმაა, რომ თუ ბრალდებულებს ბრალი დაუმტკიცდებათ, ისინი უწყებას თანხას სრულად აუნაზღაურებენ, სანაცვლოდ კი საპატიმროს დატოვებენ. სწორედ ეს დოკუმენტი იყო დღვანდელ სხდომაზე განხილვის მთავარი საგანი. სახელმწიფო ბრალმდებელი დაკავებულების წინასწარპატიმრობაში დატოვებას ითხოვდა, მოტივად კი მიმალვასა და მოწმეებზე შესაძლო ზემოქმედების საფრთხეებს ასახელებდა.
სახელმწიფო მბრალდებელი დღეს ირწმუნებოდა, რომ მერს დოკუმენტის გასაცემად საკრებულოს თანხმობა სჭრიდებოდა. მოსაზრებას არ იზარებენ ბრალდებულების ადვოკატები. გიორგი ერმაკოვის, ეგარსლარ ლომაძისა და არჩილ ვანაძის ინტერესების დამცველები ადგილობრივი თვითმმართველობის კოდექსის 54- ე მუხლზე საუბრობენ და ირწმუნებიან ,რომ მერს ამის უფლება ჰქონდა.
იმ შემთხვევაში თუ მოსამართლე შუამდგომლობას დააკმაყოფილებს, სამივე მათგანს 400 ათას 400 ათასი ლარის გადახდა მოუწევთ. პროკურის განმარტებით, კი ამ ეტაპზე მათ მიერ წარმოდგენილი ქონება, არასაკმარისია.
დააკმაყოფილებს თუ არა მოსამართლე შუამდგომლობას, ეს ხვალ გახდება ცნობილი. საქმის მოსამართლე დავით მამისეიშვილი გადაწყვეტილებას ხვალ, 11:30 წუთზე გამოაცხადებს.