17, ოქტომბერი 2019 16:55:00
რატომ არ გაუგრძელა აჭარის მთავრობამ ნინო გორჯელაძეს ხელშეკრულება? საკითხის კომენტირებას თორნიკე რიჟვაძე გაურბის და მიზეზებზე მკაფიოდ არ საუბრობს. მიაჩნია, რომ აბსურდულ საკითხებზე მისი განმარტება მიზანშეწონილი არ არის. აჭარის მთავრობის თავჯდომარე აღნიშნავს, რომ გორჯელაძე კარგი კადრია და არ გამორიცხავს, რომ მასთან საქმიანი ურთიერთობები კვლავ გაგრძელდეს, მაგრამ არ აკონკრეტებს რა ფორმით. შეგახსენებთ, ნინო გორჯელაძე აჭარის მთავრობაში ძირითადად რეგიონის პირველ პირს მედიასთან ურთიერთობაში ეხმარებოდა, ამასთან სოციალური მედიის მიმართულებას ხელმძღვანელობდა.