25, აპრილი 2017 20:27:00
ამ წუთებში ბათუმის საქალაქო სასამართლოში მერაბ ღოღობერიძისა და ირაკლი ჩხვირკიას მიმართ აღკვეთი ღონისძიების შეფარდების საკითხზე მსჯელობენ. ორივე მათგანი 11-12 მარტის აქციის საქმეზე 23 აპრილს დააკავეს. ბრალდებულებს მასობრივი არეულობის მოწყობაში ედებათ ბრალი. საქართველოს პროკურატურა დაკავებულებისთვის პატიმრობის შეფარდებას ითხოვს. პროკურატურის მიერ გავრცელებულ განცხადებაში აღნიშნულია, რომ ბრალდებულების მიერ 2017 წლის 12 მარტს, პოლიციის თანამშრომლების წინააღმდეგ, ქალაქ ბათუმში, ჭავჭავაძის ქუჩაზე, სავაჭრო ცენტრ „ბათუმი პლაზას“ მიმდებარე ტერიტორიაზე სხვადასხვა დროს, განხორციელდა ჯგუფური ძალადობის ორგანიზება და ხელმძღვანელობა.