17, ოქტომბერი 2019 20:35:00
ქუთაისის სააპელაციო სასამართლოში მსჯავრდებულ ბადრი ქობულაძის სასამართლო პროცესი გაიმართა, მსჯავრდებულს ბათუმის საქალაქო სასამართლოს მიერ ქურდულის სამყაროს წევრობისთვის 5 წლიანი პატიმრობა აქვს მისჯილი. ადვოკატი აცხადებს, რომ ბათუმის სასამართლომ გაიზიარა ბრალდებულის მხარის მიერ წარმოდგენილი მტკიცებულებები, რომლებიც საეჭვოა და განმარტავს, რომ მოწმე დააშინეს და იძულებით მიაცემინეს ჩვენება. ქუთაისის სააპელაციო სასამართლომ კი გაითვალისწინა შუამდგომლობა მოწმის ხელახალი დაკითხვის შესახებ, სასამართლო პროცესი 20 ნოემბერს 12 საათზე ჩაინიშნა.