ვის პიარში ვუხდით ფულს პრესსამსახურების თანამშრომლებს? სახელემწიფო უწყების საზოგადოებასთან ურთიერთობის დეპარტამენტში დასაქმებულები როგორც მმართველი გუნდის, ასევე ოპოზიციის წევრების აქტივობებს უნდა აშუქებდნენ. ჩვენ დღეს ამის გადამოწმება ვცადეთ. აღმოჩნდა, რომ საკრებულოების პიარ-სპეციალისტები მხოლოდ ქართული ოცნების დეპუტატებს აპიარებენ. ხელისუფლების ოპონენტების ინიციატივები და შეხვედრები კი უყურადღებოდ რჩება. უკვე პრაქტიკადქცეულ პოლიტიკურ დისკრიმინაციაზე გულნარა ლეფსაია გიამბობთ
ქობულეთის საკრებულოში სულ 37 დეპუტატია, მათ შორის 8 ოპოზიციონერია. წარმომადგენლობით ორგანოს ოფიციალურ ფეისბუქ გვერდზე კი მხოლოდ მმართველი გუნდის დეპუტატების აქტივობებია გამოქვეყნებული. ირკვევა, რომ მაგალითად,“ ნაციონალური მოძრაობის“ წევრები დაგეგმილი ღონისძიების შესახებ, საკრებულოს პრესსამსახურს არ ატყობინებენ, რადგან მიიჩნევენ, რომ ეს მათი ვალდებულება არაა.
ბონდო თედორაძისგან განსხვავებით, „ნაციონალური მოძრაობის“ დეპუტატი ბათუმის საკრებულოში ირწმუნება, რომ შესაბამის სამსახურს დაგეგმილი ღონისძიებების შესახებ ინფორმაციებს აწვდიდა, თუმცა უშედეგოდ. პრეტენზიები აქვს კიდევ ერთ ოპოზიციონერ დეპუტატს. ,,პატრიოტთა ალიანსის ‘ წარმომადგენელი ფიქრობს, რომ ხელისუფლებას მათი აქტივობების შესახებ ინფორმაციების გამოქვეყნება არ სურს.
ამ ორი მუნიციპალიტეტსგან განსხვავებით, ცალკე ფეისბუქ ვერდი არ აქვს ხელვაჩაურის საკრებულოს. შესაბამისად, ინფორმაციას მუნიციპალიტეტის ოფიციალურ გვერდზე ანთავსებენ. აქ სულ 25 დეპუტატია, მათ შორის 9 ოპოზიციონერი, თუმცა სხვა მუნიციპალიტეტების მსგავსასად, ვერც აქ ნახავთ მათ მიერ განხორციელებული ღონისძიებების შესახებ ინფორმაციას.
ორგანიზაციაში, სადაც მუნიციაპლიტეტების საქმიანობას აქტიურად აკვირდებიან, იმ კველვაზე საუბრობენ, რომლის მიხედვითაც, ყველა მათგანი აქტიურად ახორციელებს სხვადასხვა შეხვედრებს. სწორედ ამიტომ, ,,საერთშორისო გამჭვირვალობა საქართველოში“ მიიჩნევენ, რომ მათ საქმინობა თანაბრად უნდა იყოს ასახული პრესამსახურების მიერ გავრცელებულ ინფორმაციაში.
სიქნრონი მალხაზ ჭკადუა
რატომ არ არის ოპოზიციონერი დეპუატების მიერ განხორციელებული საქმონობა ასახული საკრებულოების ოფიცალურ ფეუისბუქ გვერდზე? დღეს ყველა მათგანის პრესცენტრს იდენტური პასუხი ჰქონდა - აცხადებენ, რომ ხელისუფლების ოპონენტები ასეთ ინფორმაციებს არ აწვდიან.
რაც შეეხება საკრებულოს სხდომის შესახებ გამოქვეყნებულ ინფორმაციებს, იმ შემთვევაშიც კი თუ სხდომა ხმაურის ფონზე მიმდინარეობდა, გვერდების გამომწერები ამის შესახებ ინფორმაციას ვერ წაიკითხავენ. ისინი ვერც იმას გაიგებენ, რა ინიციატივები გახმოვანდა დეპუტატების მხრიდან. ერთადერთი, ვინც გვითხრა, რომ პირადად სთხოვა ოპოზიციონერ დეპუტატებს მათი აქტივოების შესახებ ინფორმაცია მიეწოდებინათ, ბათუმის საკრებულოს პრესამსახურია, თუმცა ლელა ნემსაძემ დღეს სატელევიზიო კომენტარის გაკეთება არ ისურვა.