29, ოქტომბერი 2019 17:46:00
გამოშვებას ვიწყებთ შემზარავი ტრაგედიით, ქობულეთში ავტოსაგზაო შემთხვევას ორი მეთორმეტე კლასელი ემსხვერპლა. მანქანა, რომელშიც 6 მოზარდი იჯდა ხეს შეეჯახა. ოთხი მათგანი, ქობულეთის რეგიონულ საავადმყოფოში მოათავსეს, მათ შორის, ორის მდგომარეობა განსაკუთრებით კრიტიკულია. ამ ეტაპზე უცნობია სად მიდიოდნენ მოსწავლეები მანქანით. მხოლოდ ის არის ცნობილი, რომ ტრანსპორტი ერთ-ერთი მეთორმეტე კლასელის მამას ეკუთვნოდა. სამედიცინო დაწესებულების ეზოში გარდაცვლილების და დაშავებულების ახლობლები იმყოფებიან, ისინი მედიკოსებისგან განახლებულ ინფორმაციას ელოდებიან. მომხდარზე შინაგან საქმეთა სამინისტრომ გამოძიება უკვე დაიწყო. თემის დეტალებზე უფრო ვრცლად „მაცნეს“ მთავარ გამოშვებაში 9 ნახევარზე მოგიყვებით.