იცოდით თუ არა , რომ ძუძუს კიბო კაცებშიც ფიქსირდება. დაავადების ცნობიერების ასამაღლებლად დღეს ფოტო გამოფენა მოეწყო. საქველმოქმედო არტ პროექტს „ბრა-ლიანტი“ქართველი ემიგრანტების მიერ დაარსებული ფონდი ახორციელებს. იმიტაცია, ფოტოებზე აღბეჭდილი კაცები ზურგზე ბიუსჰალტერით და ქალების მიმართ გამოხატული სოლიდარობა. საგამოფენო სივრცეში მოქცეულ ნამუშევრებზე სიუჟეტი ხატია გოგრაჭაძემ მოამზადა
„ძუძუს კიბოს“ ცნობიერების ასამაღლებლად, ბათუმში, ფოტო გამოფენა გაიმართა.
არტ პროექტი „ბრა-ლიანტი“ საქველმოქმედოა. ქართველი ემიგრანტების მიერ დაარსებული ფონდი „ბრილიანტ სუფორთ იბერია“ საქართველოში „ძუძუს კიბოთი“ დაავადებული ქალების დასახმარებლად შეიქმნა.
გამოფენა, პირველად, ნიუ-იორკში გაიმართა. ცნობიერების ამაღლებისთვის მიძღვნილი იმიტაცია, ავტორის თქმით, მიზნად დაავადების დროულ აღმოჩენას ისახავს. რატომაა ფოტოებზე აღბეჭდილი კაცები ზურგზე ბიუსჰალტერით? ფოტოგრაფი თეონა ქორიძის თქმით, ბევრმა არ იცის ის, რომ ძუძუს კიბო კაცებშიც ფიქსირდება. ეს ფოტოები, მათი მხრიდან, დაავადებულ ოჯახის წევრ ქალების მიმართ სოლიდარობასაც გამოხატავს.
მსგავსი ღონისძიებებით, ძუძუს კიბოს ცნობიერების ამაღლების მნიშვნელობაზე საუბრობს მამოლოგი თემურ გოგიტიძე.
სამოსის საკიდებზე ჩამოკიდებული ფოტოები, უბრალოდ ბიუზჰალტერები და „ცოცხალი მოდელების ინსტოლაცია“ ფემინურობას გამოხატავს და გამოფენა, ამგვარად, „ძუძუს კიბოს“ თემას ერწყმის.
არტ-პროექტი ხელოვნებისა და ჯანმრთელობის თემებს აერთიანებს. მას მხარს მამოლოგიის ცენტრი უჭერს. გამოფენა ქართველი აქტივისტის ნინი ვარდიაშვილის ხსოვნას ეძღვნება.
2
s
s
s