30, ოქტომბერი 2019 20:35:00
ია, დღეს ცნობილი გახდა, რომ პროკურატურა მეუფე იაკობის სკანდალური განცხადებების საფუძველზე გამოძიების დაწყებას არ აპირებს. შალვა თადუმაძის უწყებას არც ის აინტერესებს, რა მიზანი აქვს მეუფის სკანდალურ ბრალდებებს.
გიორგი კვირიკაშვილთან შეხვედრას და ილია მეორის წინააღმდეგ რაიმე გეგმაში მონაწილეობას კატეგორიულად უარყოფს შინაგან საქმეთა მინისტრი. ვახტანგ გომელაურს არც არ აინტერესებს, თუ ეს სიცრუეა, რატომ გააკეთა ასეთი განცხადება მეუფე იაკობმა, რომელსაც როგორც თავად ამბობს, ძალიან კარგად იცნობს.
საგამოძიებო უწყების გადაწყვეტილებამ, რომ მეუფე იაკობის განცხადებებში გამოძიების დაწყების საფუძველს ვერ ხედავენ, ოპოზიციას ეჭვი გაუჩინა: ხომ არ არის სიმართლე სასულიერო პირის ბრალდებები.
მეუფე იაკობის სკანდალური განცხადებების შესწავლის აუცილებლობაზე საუბრობს მესამე სექტორიც. ახალგაზრდა იურისტთა ასოციაციის თავმჯდომარე ამბობს, რომ საგამოძიებო უწყების ინტერესებში უნდა შედიოდეს დაადგინოს იგეგმებოდა თუ არა პატრიარქის შეცვლა.
პროკურატურასთან კითხვები ციანიდის საქმეში ბრალდებული დეკანოზ გიორგი მამალაძის ადვოკატსაც აქვს. მიხეილ რამიშვილისთვის გაუგებარია რატომ არ სწავლობს მეუფე იაკობის ბრალდებებს საგამოძიებო უწყება.
სინქ. რამიშვილი
მეუფე იაკობმა, რომელმაც ხმაურიანი განცხადებების შემდეგ პატრიარქის ქორეპისკოპოსისა და საფინანსო საბჭოს თავმჯდომარის თანამდებობა დატოვა, განაცხადა, რომ პრემიერ-მინისტრი გიორგი კვირიკაშვილი, ვახტანგ გომელაური და გიორგი გახარია პატრიარქის გადაყენებაზე „ეჩალიჩებოდნენ“. მან ამ გეგმის ნაწილდად მკვლელობაც ახსენა, თუმცა მეორე დღეს უარყო. ცნობისთვის, ბოდბელი ეპისკოპოსის ამ საკითხზე მსჯელობას ხვალ წმინდა სინოდი აპირებს.