31, ოქტომბერი 2019 18:47:00
შავი ზღვის დაცვის საერთაშორისო დღესთან დაკავშირებით, ბათუმში, სხვადასხვა ღონისძიება გაიმართა. მოეწყო ვორქშოპები და დასუფთავების აქციები. აქტივობებში საჯარო მოხელეები, აჭარაში მოქმედი არასამთავრობო სექტორი და მედიის წარმომადგენლები ჩაერთვნენ. ღონისძიებები „იუესაიდის“ ფინანსური მხარდაჭერით მიმდინარე პროექტის „ნარჩენების მართვის ტექნოლოგია რეგიონებში“ ფარგლებში დაიგეგმა. მონაწილეებმა დახურული ნაგავსაყრელები დაათვალიერეს. განიხილეს ის გამოწვევები, რაც რეგიონის მასშტაბით, დაბინძურებისა და ნარჩენების მართვის კუთხით დგას.