გუშინდელი შოკისმომგვრელი და სკანდალური განცხადებების შემდეგ ქვეყნის მოსახლეობა, მართმადიდებულური სამყარო სინოდის სხდომის ოქმის გამოქვეყნებას ელოდა. დოკუმენტის გასაჯაროვების შემდეგ ცნობილი გახდა, რომ დეკანოზ გიორგი მამალაძის შეწყალების თაობაზე საპატრიარქო საქართველოს პრეზიდენტს მიმართავს. სინოდის სხდომაზე საქართველოს კათოლიკოს პატრიარქს გვერდი არ აუვლია მეუფე იაკობის მიერ საჯაროდ გაკეთებული სკანდალური განცხადებებისთვის. ილია მეორემ სასულიერო პირებს მათი პასუხისმგებლობაც შეახსენა.ახლა სულხან მესხიძე შემოგვიერთდება პირდაპირ ეთერში.
დიახ ია, საპატრიარქოს ირგვლივ აგორებულ სკანდალზე და ღიად დაპირისპირებული სასულიერო პირების თემაზე პოლიტიკური შეფასებები დილიდან კეთდება. დღეს საპატრიარქოს არანაირი კავშირი არ აქვს ქრისტიანულ აღმსარებლობასთან და იგი რადიკალურად განსხვავებული მიმართულებით მოქმედებს - ასე ფიქრობენ პოლიტიკურ ცენტრში. გირჩის წარმომადგენლის შეფასებით, ეს დღეს დაწყებული პრობლემა არ არის და ამ ყველაფერმა სათავე წლების წინ აიღო.
ნაციონალურ მოძრაობაში კი ფიქრობენ, რომ სახელმწიფო ღრმა კრიზისშია და ამით ხელისუფლება ყურადღების გადატანას ცდილობს. ამ მეთოდით კი მათ სხვა მნიშვნელოვანი საკითხების გადაფარვა სურთ. ოპოზიციაში რუსულ გავლენებზეც საუბრობენ და აცხადებენ, რომ საქართველოში დაძაბულობა სწორედ მეზობელი ქვეყნის ინტერესებში შედის.
ქვეყანაში შექმნილ ქაოტურ მდგომარეობაზე პასუხისმგებლობას პარტია ემსახურე საქართველოს წევრი ბიძინა ივანიშვილს აკისრებს. მურმან დუმბაძის განცხადებით, შეცდომის დაშვების უფლება სასულიერო პირებსაც აქვთ. ოპოზიციური პარტიის წევრი ეჭვობს, რომ მდგომარეობა შესაძლოა, რუსეთმა მისდა სასიკეთოდ გამოიყენოს.
რამ მიიყვანა საპატრიაქო და ქართული ეკლესია ამ მდგომარეობამდე? მმართველი გუნდის წევრებით ნანახით შეშფოთებულები არიან, თუმცა მიზეზებზე არ საუბრობენ. ილია ვერძაძემ ჩვენთან საუბრისას მხოლოდ ის თქვა, რომ ეკლესიის და ერის გახლეჩვა ქვეყანას დადებით შედეგებს არ მოუტანს.
წმინდა სინოდის გადაწყვეტილებას მწვავე შეფასებები პოლიტიკური წრეების გარდა, მესამე სექტორშიც მოჰყვა. დემოკრატიის ინსტიტუტში შეშფოთებას გამოთქვამენ, თუმცა მიმდინარე პროცესები არ აკვირვებთ. აქ მწუხარებას გამოთქვამენ იმის გამო, რომ ერი ძალაუფლებას და ბრძოლასაა გადაყოლილი, რაც არჩილ ხახუტაიშვილის შეფასებით, ქვეყნისთვის დამაზიანებელი იქნება.
ამ ეტაპზე რთულია როგორ განვითარდება მოვლენები სამომავლოდ საქართველოს საპატრიარქოში, თუმცა ფაქტია, რომ მწვავედ დაპირისპირებული მღვდლები ერთმანეთის მიმართ ფაქტების გარეშე სკანდალურ განცხადებებს არ ერიდებიან.
4
.jpg)
s
s
s