04, ნოემბერი 2019 17:59:00
ჭყონდიდის ეპარქიის ყოფილმა მიტროპოლიტმა, მეუფე პეტრემ ეპარქია დატოვა. წასვლამდე მან ღვთისმშობლის მიძინების სახელობის ტაძარი მოილოცა. მეუფე პეტრესთან ერთად ეპარქია ხუთმა მონაზონმა დატოვა. “ვაპირებ დაწყებული ბრძოლის გაგრძელებას” - ამის შესახებ მეუფე პეტრე ცაავამ მარტვილში ჟურნალისტებთან საუბრისას განაცხადა. ჭყონდიდის ეპარქიის ყოფილი მიტროპოლიტი აცხადებს, რომ დაწყებული ბრძოლის გაგრძელებას პრობლემების მოგვარებამდე გეგმავს. იგი არ აპირებს, პატრიარქის ბრძანებას დაემორჩილოს. მიაჩნია, რომ ილია მეორის წინაშე მოსანანიებელი არაფერი აქვს.