04, ნოემბერი 2019 17:45:00
სოციალური პასუხისმგებლობის ფარგლებში, ქართულ-ამერიკული საერთაშორისო სკოლა სოციალურად დაუცველ ბავშვებს, 2008 წლის ომში გარდაცვლილი და ვეტერანი ოჯახების შვილებს, ასევე მინდობით აღზრდაში მყოფ მოზარდებს უფასოდ სწავლას სთავაზობს. “პროგრესი” ბავშვებს კონკურსის საფუძველზე მიიღებს, რომლის ფარგლებშიც შერჩეულები 100%-იან გრანტს მოიპოვებენ. გრანტი გაიცემა VII, VIII, IX და X კლასის მოსწავლეებისთვის, წარმოდგენილი დოკუმენტაციის და გასაუბრების საფუძველზე. საბუთების მიღების ბოლო ვადა 2019 წლის 10 ნოემბერია.