04, ნოემბერი 2019 18:04:00
მოსაზრება, რომ სადაც წყალია, იქ სიცოცხლეც არის, ნელ-ნელა ქრება. ახალი კვლევა ამ მოსაზრების სრულიად საწინააღმდეგოს მეტყველებს ან როგორც მინიმუმ, გვაწვდის გარკვეულ ცნობებს, სად შეუძლიათ წყალსა და სიცოცხლეს თანაარსებობა.
დედამიწაზე არსებობს მარსის მსგავსი ადგილი, სადაც მეცნიერებმა სიცოცხლე აღმოაჩინეს
მსგავსი: დედამიწაზე არსებობს მარსის მსგავსი ადგილი, სადაც...
ამ საზღვრების საპოვნელად, მეცნიერები დედამიწის ერთ-ერთ ყველაზე ექსტრემალურ და არასტუმართმოყვარე გარემოს ესტუმრნენ — დალოლის გეოთერმულ წყაროებს ეთიოპიის გეოლოგიურ დეპრესიაში.
ეს ჯოჯოხეთური, მლაშე წყლიანი გარემო პლანეტის ყველაზე ცხელ დაუსახლებელ ადგილად მიიჩნევა, მაგრამ მისი უნიკალურობა გაცილებით შორს მიდის, შემხუთველი სიცხის მიღმა არსებულ გარკვეულ მიზეზთა გამო.
დალოლის ლანდშაფტი ხასიათდება ჰიპერმჟავა, ჰიპერმლაშე დანაწევრებული ტბებით, რომლებიც შეფერილია კაშკაშა მწვანე, ყვითელ, ნარინჯისფერ და ყავისფერ ფერთა პალიტრაში.
შორიდან ის სხვა პლანეტას მოგაგონებთ, მაგრამ მიახლოებას ნამდვილად არ გირჩევთ. ცხელი ტბორები სავსეა ტოქსიკური, გაზოვანი სითხით, რომელიც ეგზოტკური ზედაპირის ქვეშ დამალული ვულკანებიდან ამოდის.
ექსტრემალური გარემოს გამო, დალოლის ზონა დიდხანს აჯადოებდა მეცნიერებს. 2016 წელს მოეწყო პირველი კვლევითი ექსპედიცია, რომლის მიზანიც იყო გაერკვიათ, ცოცხლობს თუ არა რაიმე ამ არამიწიერის მსგავს გარემოში.
„გასაოცარი, მაგრამ სასტიკი გარემოა. სასუნთქ გზებს ქლორის ორთქლი გვწვავდა. Აქ ბინადარი ნებისმიერი მიკროორგანიზმი იქნება ექსტრემოფილი მიკრობი, რომელიც ასტრობიოლოგთა დიდი ინტერესის საგანი გახდება“, — აღნიშნავდა მაშინ ექსპედიციის ხელმძღვანელი, ესპანეთის ასტრობიოლოგიის ცენტრის მკვლევარი ფელიპე გომესი.
წყარო : 1tv.ge