05, ნოემბერი 2019 19:16:00
დიდი ოდენობით ყალბი ფულის გასაღების ფაქტზე, თურქეთის რესპუბლიკის მოქალაქე დააკავეს. გამოძიებით დადგინდა, რომ ბრალდებულმა, თურქეთიდან შემოიტანა და გაასაღა 15 ათასი ყალბი თურქული ლირა. საგამოძიებო მოქმედებების შედეგად, დამატებით ამოღებულია 5 ათასი ყალბი თურქული ლირა. გამოძიება საქართველოს სისხლის სამართლის კოდექსის 212-ე მუხლის მეორე ნაწილით მიმდინარეობს, რაც სასჯელის სახით თავისუფლების აღკვეთას 7-დან 10 წლამდე ვადით ითვალისწინებს.