06, ნოემბერი 2019 12:02:00
თურქეთში საქართველოს საგანგებო და სრულუფლებიანმა ელჩმა გიორგი ჯანჯღავამ Facebook-ზე გურჯი ხათუნისა და მისი შვილის, სულთან ალაედდინ ქეიქუბად მეორის ახლად აღმოჩენილი საფლავის ქვების ფოტოები გამოაქვეყნა.
ელჩის თქმით, სამარხში აღმოჩენილი ძვლები ექსპერტიზაზე უკვე გადაგზავნეს.
"ბედნიერი ვარ, რომ საქართველოდან სწორედ მე მომიწია გურჯი ხათუნისა და თავისი ვაჟის, სულთან ალაედდინ ქეიქუბად მეორის ახლად აღმოჩენილი საძვალისა და საფლავის ქვების მონახულება.
ასევე, ძალიან მახარებს ის ფაქტიც, რომ სამარხში აღმოჩენილი ძვლები უკვე გადაგზავნეს ექსპერტიზაზე.
დარწმუნებული ვარ, რომ საქართველო-თურქეთის საერთო კულტურული მემკვიდრეობა საზოგადოების დიდ დაინტერესებას გამოიწვევს", - წერს ელჩი სოციალურ ქსელში.
წყარო : imedinews.ge