06, ნოემბერი 2019 22:55:00
გორის მუნიციპალიტეტში, საოკუპაციო ძალების წარმომადგენლებმა გამყოფ ხაზთან მდებარე სოფელ ქვეშის მცხოვრები, 28 წლის ზაქრო ბუთხუზი დააკავეს. დაკავების დეტალები უცნობია.
გატაცებულის ოჯახის წევრების განცხადებით, კაცი სოფლის განაპირას მდებარე სახლში იმყოფებოდა. მიწის ნაკვეთი ოკუპირებულ ტერიტორიაზე მდებარე სოფელ ზემო არცევს ესაზღვრება.
საქართველოს უსაფრთხოების სამსახურში Imedinews-ს საოკუპაციო ხაზთან ერთი კაცის დაკავების ფაქტი დაუდასტურა:
„ვადასტურებთ ერთი პირის დაკავებას ე. წ საზღვრის უკანონო კვეთის ბრალდებით. ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია,“- აცხადებენ სუს-ში.