სოფელ ერგეში, ნიკიტაურის დასახლებაში მცხოვრებლები ,,ენერგო პრო ჯორჯიას” უჩივიან და მაღალი ძაბვის ხაზების მშენებლობას აპროტესტებენ, რადგან მშენებლობა ყოველგვარი ნორმების დარღვევით მიმდინარეობს. რა პრეტენზიები აქვთ ერგეს მაცხოვრებლებს და რას ჰპასუხობს მათ ენერგო- პრო ჯორჯია? ნახეთ სიუჟეტი
სოფელ ერგეში, ნიკიტაურის დასახლებაში მცხოვრებლები ,,ენერგო პრო ჯორჯიას” უჩივიან და მაღალი ძაბვის ხაზების მშენებლობას აპროტესტებენ, რადგან მშენებლობა ყოველგვარი ნორმების დარღვევით მიმდინარეობს.
ელექტრო სადენები საცხოვრებელი სახლების ზემოდან გაიყვანეს, რაც ადგილობრივთა მტკიცებით, ელექტრომაგნიტური ველების ზემოქმედების ქვეშ ყოფნას გამოიწვევს. ოსანაძეების ოჯახი შესაბამის კომპენსაციას მოითხოვს, რათა საცხოვრისისათვის საშიში ზონა დატოვონ.
მათი მოსაზრებით, გამოსხივების მაღალი დონე ნარგავებსაც აზიანებს, რაც 6 წევრიანი ოჯახისათვის საარსებო წყაროს წარმოადგენს. ოსანაძეებმა პირად საუბარში განაცხადეს, რომ ენერგო კომპანიისგან 1 500 ლარიანი კონპენსაცია მიიღო და თან გააფრთხილეს, რომ ეს ამბავი არ უნდა გახმაურებულიყო.
როგორც ნანი დუმბაძე გვეუბნება, ისინი ამ მშენებლობას თავიდანვე ეწინააღმდეგებოდნენ, თუმცა ისინი პოლიციის ძალით შეაშინეს. ამასთან აღნიშნავს იმასაც, რომ მშენებლობის პროცესში ჩამოვარდნილმა მავთულებმა სახლის სახურავი დააზინა.
ადგილობრივთა პროტესტს ოპოზიციის წარმომადგენლებიც შეუერთდნენ. ხელისუფლების ოპონენტები საფრთხეზე საუბრობენ და ადგილობრივთა ინტერესების გათვალისწინებას ითხოვენ.
„ენერგო პრო ჯორჯიაში“ განაცხადეს, რომ მოსახლეობის მოთხოვნას განსახლებასთან დაკავშირებით კომპანია არ განიხილავს, რადგან ამის საჭიროება და საფუძველი არ არსებობს.
ოსანაძეების ბრალდებას იმის შესახებ, რომ მათ ენერგო კომპანიამ კომპენსაციის სახით ფული გადაუხადა ენერგო პრო ჯორჯიაში არ ადასტურებენ.
1
s
s
s