01, მაისი 2017 20:11:00
ე.წ "ციანიდის საქმეზე" ბათუმისა და ლაზეთის მიტროპოლიტი, მეუფე დიმიტრი დაიკითხა. რა შეკითხვები ქონდა გამოძიებას მეუფესთან ბათუმისა და ლაზეთის ეპარქიის პრესსპიკერი, მიტროპოლიტის მიერ საქმეზე გაუთქმელობის ხელწერილის გამო, დეტალებზე ვერ საუბრობს. თუმცა დეკანოზი იოანე გორელიშვილი განმარტავს, რომ მეუფე დაახლოებით ერთი კვირის წინ დაიკითხა და სასულიერო პირები გამოძიებასთან აქტიურად თანამშრომლობენ. დაკავებული დეკანოზის ადვოკატი არ გამორიცხავს, რომ დიმიტრი შიოლაშვილი სასამართლო პროცესზე მოწმის სახითაც დაიკითხოს, ვინაიდან იგი უკვე მოწმეთა სიაშია. მისივე თქმით, საქმეზე დაკითხული მეუფეების ჩვენებები დეკანოზის საქმეზე უარყოფით მტკიცებულებად არ შეიძლება იყოს გამოყენებული.