18, ნოემბერი 2019 19:25:00
და კიდევ ერთი, „თეთრი ხალათების“ აქცია გაიმართა ბათუმში. ბათუმელი ექიმები ერთ ერთ სკვერში შეიკრიბნენ და საოკუპაციო რეჟიმის მიერ დაკავებული ვაჟა გაფრინდაშვილის მხარდაჭერისკენ რუს კოლეგებს მოუწოდეს. გაფრინდაშვილი, ე.წ საოკუპაციო საზღვართან 9 ნოემბერს დააკავეს. იგი ამ დრომდე ცხინვალის იზოლატორში იმყოფება. საოკუპაციო რეჟიმის ე.წ სასამართლომ მას 2-თვიანი წინასწარი პატიმრობა შეუფარდა. ამ დრომდე მას ოჯახთან კონტაქტი არ ჰქონია. ახლობლების თქმით, უცნობია რა პირობებში ჰყავთ დაკავებული ოკუპანტებს.