ფრაქცია ქართული ოცნების თავმჯდომარის, მამუკა მდინარაძის თქმით, სრულად მაჟორიტარულ სისტემაზე გადასლის შესახებ საუბარი გამორიცხულია. მდინარაძის შეფასებით, მცხეთის მაჟორიტარმა დიმიტრი ხუნდაძემ "ძალიან არასწორი აზრი" გაახმოვანა.
"მგონია, რომ ძალიან ცხარე დისკუსია იქნება გუნდის შიგნითაც, რადგანაც, ჩემი აზრით, ძალიან არასწორი აზრი გახმოვანდა, თუნდაც დისკუსიის გახსნაზე. ამასთან დაკავშირებით დისკუსიის გახსნაც კი, მე პირადად მიმაჩნია აბსოლუტურად ზედმეტად. გასაგებია, ყველა მოდელი, მათ შორის ამერიკულიც, ბრიტანულიც არის ლეგიტიმური, მაგრამ ახლა ამაზე საუბარი, ჩემი აზრით, არ შეიძლება გამომდინარე იქიდან, რომ ქართულმა ოცნებამ და საქართველოს პარლამენტმა, საკონსტიტუციო რეფორმის შედეგად, რომელსაც ხელმძღვანელობდა ირაკლი კობახიძე, მიიღო სწორი გადაწყვეტილება და ამ სწორ გადაწყვეტილებას ქვია პროპორციულ სისტემაზე გადასვლა" - ამბობს მდინარაძე
30
s
s
s