20, ნოემბერი 2019 18:33:00
„რეგიონების უზრუნველყოფა ინფორმაციით და ამომრჩეველთა გაძლიერება დემოკრატიისთვის“ - ბათუმის დემოკრატიის სკოლაში ახალი პროგრამის პრეზენტაცია გაიმართა. იგი გულისხმობს ადამიანების ცნობიერების ამაღლებას საარჩევნო საკითხებზე. პროგრამა ასევე ითვალისწინებს ამომრჩევლის გაძლიერებას და არჩეული თანამდებობის პირების პასუხისმგებლობის გაუმჯობესებას, რათა მოქალაქეთა საჭიროებები მეტად იყოს გათვალისწინებული როგორც საარჩევნო პროგრამებში, ისე მმართველობით ეტაპზე. პროექტში ჩართვა 18 წლიდან ზემოთ ნებისმიერ მოქალაქეს შეუძლია. მათ აპლიკაცია ორგანიზაციაში უნდა გააგზავნონ. გათვალისწინებულია სულ 20 მონაწილის შერჩევა, რომლებიც კონკურსის გზით გამოვლინდებიან.