02, მაისი 2017 20:07:00
ხვალიდან მოქალაქეები ნასამართლეობის შესახებ ცნობის აღებას შსს-ს მომსახურების სააგენტოს გარდა იუსტიციის სახლებშიც შეძლებენ. შესაბამისი ხელშეკრულება მომსახურების სააგენტომ და იუსტიციის სახლმა დღეს გააფორმეს. მომხმარებელმა იუსტიციის სახლში ნასამართლობის ცნობის მისაღებად მხოლოდ პირადობის დამადასტურებელი დოკუმენტი უნდა წარადგინოს, ცნობა კი განაცხადის შევსებიდან ხუთ სამუშაო დღეში უფასოდ გაიცემა. დოკუმენტის დაჩქარებული წესით აღების საფასური 1 სამუშაო დღეში - 25 ლარია, ხოლო 3 სამუშაო დღეში - 15 ლარი. შსს-ს მომსახურების სააგენტომ აღნიშნული სერვისების გაფართოება იუსტიციის სახლის ფილიალებში, მომხმარებელთათვის მეტი კომფორტისა და სახელმწიფო სერვისებზე უკეთ წვდომის მიზნით განახორციელა.