22, ნოემბერი 2019 16:30:00
დედაქალაქის შემდეგ დაბოქლომების აქციამ რეგიონში გადმოინაცვლა. ოპოზიციამ დღეს ბოქლომები სიმბოლურად აჭარის უმაღლესი საბჭოს ჭიშკარზე დაკიდა . ტერიტორიაზე მობილიზებული იყო პოლიცია. ადგილი ჰქონდა სიტყვიერ დაპირისპირებას. თორნიკე რიჟვაძემ კი დემონსტრანტების ქმედებას ცირკაჩობა უწოდა.
აჭარის უმაღლესი საბჭოს შენობასთან ოპოზიციური პარტიის წევრები დღეს დილით მივიდნენ. ისინი წარმომადგენლებლობითი ორგანოს ოპოზიციური წევრის, ელგუჯა ბაგრატიონის დაკავებას და პარლამენტის მიერ პროპორციული საარჩევნო სისტემის ჩაგდებას აპროტესტებენ. ტერიტორიაზე დემონსტრანტებს სამართალდამცველები დახვდათ მობილიზებული. ადგილი ჰქონდა სიტყვიერ დაპირისპირებას
ოპოზიციური პარტიის წარმომადგენლებმა უმაღლესი საბჭოს ჭიშკარზე ბოქლომი ჩამოკიდეს. წამომადგნელობითი ორგანოს ეზოში იმყოფებოდა აჭარის პოლიციის დეპარტამენტის უფროსი, რომელიც აქციის მონაწილეებს ეუბნებოდა, რომ ცენტრალურ კარზე ბოქლომის დადების უფლებას არ მისცემდა. ამის მიუხედავად ხელისუფლების ოპონენტებმა სიმბოლური ბოქლომი ჭიშკარს მაინც დაადეს.
აქციის მონაწილეებმა კიდევ ერთხელ გაიმეორეს, რომ ბიძინა ივანიშვილის მმართველობის დრო უნდა დასრულდეს და ოლიგარქი რუსეთს უნდა დაუბრუნდეს.
უმაღლეს საბჭოში განვთარებულ მოვლენებს გამოეხმაურა რეგიონის პირფველი პირი. თორნიკე რიჟვაძის განცხადებით, ოპოზიცია ცირკაჩობას უნდა მოეშვას და საქმის კეთებაზე გადავიდეს.
ელგუჯა ბაგრატიონი, რომელსაც სოლიდარობას უცხადებენ, 18 ნოემბერს აქციის დაშლის დროს დააკავეს. მას სასამართლომ 12 დღიანი პატიმრობა მიუსაჯა.