ორი დაღუპული და ერთი დაშავებული - ავტოსაგზაო შემთხვევა ბათუმში დღეს დილით მოხდა. გონიოში, ცენტრალურ საავტომობილო მაგისტრალზე „მერსედესის“ მარკის ავტომობილი „ოპელს“ დაეჯახა. ადგილზე გარდაიცვალა ორი ადამიანი. თვითმხილველების განცხადებით, ავტომობილი მაღალი სიჩქარით გადაადგილდებოდა, მძღოლმა საჭე ვერ დაიმორჩილა და საპირისპიროდ მიმავალ მანქანას დაეჯახა. მათივე მტკიცებით, მძღოლი პოლიციას ადგილზევე ჩაბარდა. მისი მდგომარეობა თვითმხილველების თქმით, სტაბილური იყო. შინაგან საქმეთა სამინისტროში ორი ადამიანის გარდაცვალებას ადასტურებენ, თუმცა შემთხვევის ადგილზე მესამე პირის არსებობას უარყოფენ. ფაქტზე გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რასაც ორი ან მეტი პირის სიცოცხლის მოსპობა მოჰყვა.
4
s
s
s