25, ნოემბერი 2019 12:48:00
პროფესიულ კოლეჯების უმრავლესობაში სწავლა 2 დეკემბერს დაიწყება. კოლეჯებს ინდივიდუალურად შეუძლიათ სწავლის დაწყების თარიღის განსაზღვრა, თუმცა მათ უმრავლესობაში სასწავლო პროცესი 2 დეკემებერს დაიწყება.
„კოლეჯების უმეტესობაში სწავლა დაიწყება 2 დეკემბერს, თუმცა მათ აქვთ საშუალება ეს თარიღი ინდივიდუალურადაც გადაწყვიტონ“, – განაცხადა ირინა წეროძემ.
მისივე თქმით, წელს არის პირველი წელი, როდესაც კერძო კოლეჯებში სტუდენტები სახელმწიფო ვაუჩერული დაფინანსებით ჩაირიცხნენ.
შეგახსენებთ, რომ 2019 წლის საშემოდგომო პროფესიული ტესტირების საბოლოო შედეგები ცნობილი ნოემბრის შუა რიცხვებში გახდა. განათლების მართვის საინფორმაციო სისტემის მიერ ჩვენთვის მოწოდებული მონაცემებით, სულ პროფესიულ კოლეჯებში ჩარიცხვის უფლება მოიპოვა 5621-მა პირმა. აქედან მოდულურ პროგრამებზე 5370-მა პირმა და სუალურზე 251-მა. ასევე, ჩარიცხვის უფლება სშემოდგომო მიღებაზე 174-მა სპეციალური საჭიროების მქონე პირმა მოიპოვა.