ზაქარია ყიფშიძე პარლამენტის წინააღმდეგ - საკონსტიტუციო სასამართლო მოქალაქის სარჩელს არსებითად განიხილავს. გასაჩივრებულია „საერთაშორისო კერძო სამართლის შესახებ“ საქართველოს კანონი. კანონის 20-ე მუხლის მიხედვით, თუ პირს მეორე პირთან უცხოეთში სასამართლო დავა აქვს, ხოლო სარჩელის აღძვრამდე, საქართველოში, სასამართლოს მოსთხოვს, მოპასუხე მხარის ქონების დაყადაღებას, სასამართლო უზრუნველყოფის ღონისძიებას ისე აკმაყოფილებს, რომ საქმეს არსებითად არ განიხილავს. სასამართლოს არც იმის ვალდებულება აქვს, გადაამოწმოს, ნამდვილად არსებობს თუ არა მხარეებს შორის სასამართლო დავა უცხო ქვეყანაში. სადაო ნორმით, არც მხარეს მოეთხოვება აკრძალვის მოთხოვნისას, სასამართლოს დავის არსებობის დამადასტურებელი დოკუმენტი წარუდგინოს. მოსარჩელე მიიჩნევს, რომ, შესაძლოა უცხოეთში მხარეებს დავა საერთოდ არ ქონდეთ, ამიტომ მოქმედი ნორმით ირღვევა პირის კონსტიტუციით დაცული საკუთრების უფლება. მოსარჩელეს სადაო ნორმა გასაჩივრებული ჰქონდა კონსტიტუციის 42-ე მუხლთანაც, რაც სამართლიანი სასამართლოს უფლებას იცავს, თუმცა საკონსტიტუციო სასამართლომ ეს ნაწილი სადაოდ არ მიიჩნია. საქმეს პირველი კოლეგია განიხილავს.
8
s
s
s