26, ნოემბერი 2019 21:48:00
ახლა გაგიზიარებთ ამბავს საპენსიო ასაკს მიღწეულ ქალზე, რომელსაც ფულად დახმარებას არ უნიშნავენ. იმის გამო , რომ გულნარა თედორაძეს ორმაგი მოქალაქეობა აქვს, სახელმწიფო მას დახმარებაზე უარს ეუბნება. იურისტები კი მოქალაქეს სასამართლო დავის დაწყებას ურჩევენ.
გულნარა თედორაძე საპენსიო ასაკის გასული წლის 4 აგვისტოს გახდა. იგი ორმაგი მოქალაქეობის სტატუსით სარგებლობს. უთხრეს, რომ თუ რუსეთის მოქალაქეობაზე უარს არ იტყოდა პენსიას ვერ მიიღებდა.
გულნარა თედორაძემ მოსკოვში საბუთები გააგზავნა და მისი ინფორმაციით, დეკემბრიდან პენსიის აღებას შეძლებს, თუმცა, როგორც აღმოჩნდა გასული წლის ოქტომბრიდან 2019 წლის 15 ნოემბრამდე კუთვნილ თანხას არ აუნაზღაურებენ.
საქართველოს ახალგაზრდა იურისტთა ასოციაციაში განმარტავენ, რომ გულნარას კუთვნილი თანხის მოთხოვნა შეუძლია. მან, შესაბამის უწყებას განცხადებით უნდა მიმართოს და ერთი წლის პენსიის ანაზღაურება ითხოვოს. უარის შემთხვევაში მოქალაქემ სასამართლოს უნდა მიმართოს.
სოციალური მომსახურების სააგენტოს აჭარის ფილიალში საკითხზე სატელევიზიო კომენტარი არ გააკეთეს, თუმცა თემურ ქარცივაძემ პირად საუბარში გვითხრა, რომ გულნარა თედორაძის მოთხოვნას არ დააკმაყოფილებს.