27, ნოემბერი 2019 10:35:00
საქართველოს მასშტაბით 13 საზოგადოებრივ ცენტრში ინგლისური ენის შემსწავლელი კურსები ამოქმედდა. ბრიტანეთის საბჭოს ორგანიზებით, ახალგაზრდები სოფლიდან გაუსვლელად ინგლისურ ენას შეისწავლიან, ხოლო ინგლისური ენის მასწავლებლები, პროფესიულ გადამზადებას გაივლიან. პროექტის მიზანია, სოფლებში ინგლისური ენის შესწავლა ყველასთვის ხელმისაწვდომი გახდეს. პროექტის პრეზენტაცია სოფელ მეჯვრისხევის საზოგადოებრივ ცენტრში გაიმართა.
ბრიტანეთის საბჭოს პროექტი „ინგლისური ენის კლუბები“ ჩრდილოეთ ირლანდიის გაერთიანებული სამეფოს მთავრობის კონფლიქტების, სტაბილურობისა და უსაფრთხოების ფონდის ფინანსური მხარდაჭერით 2018-წლიდან ხორციელდება. ინგლისური ენის შემსწავლელი კლუბები გასულ წელს, მთელი ქვეყნის მასშტაბით, ექვს საზოგადოებრივ ცენტრში გაიხსნა. ერთი წლის განმავლობაში ინგლისური ენის კურსი 2 500-ზე მეტმა მოზარდმა გაიარა.
ინგლისური ენის ცოდნის მიხედვით საქართველო მსოფლიოში 56-ე ადგილს იკავებს.