29, ნოემბერი 2019 17:06:00
თამბაქოს მწარმოებლები აჭარაში უაქციზოდ შეძლებენ საქმიანობის გაგრძელებას, ფონდი იალქანი კი მალე ახალ შენობაში გააგრძელებს მუშაობას - გადაწყვეტილებები დღეს, აჭარის მთავრობის სხდომაზე რეგიონის პირველმა პირმა გაახმოვანა. რამდენიმე კომპანიას სახელშეკრულებო ვადები გაუხანგრძლივეს. სხდომა ტრადიციულად მედიისთვის მხოლოდ 10 წუთის განმავლობაში იყო ღია. დეტალები ნაზიბროლა ქობულაძის სიუჟეტში.
ფონდი ,,იალქანი“ მალე ახალ შენობაში გააგრძელებს საქმიანობას. მათ ათწლიანი ხელშეკრულებით აჭარის მთავრობა ფართობს გადასცემს და დღის ცენტრის გარდა, ფონდი მიუსაფარ ბავშვებს უკვე ღამის გასათევსაც შესთავაზებს. ამის შესახებ განცხადება მთავრობის სხდომაზე გაკეთდა.
დღევანდელ სხდომაზე ასევე, ცნობილი გახდა, რომ თამბაქოს მწარმოებლები აჭარაში უაქციზოდ შეძლებენ საქმიანობის გაგრძელებას. გადაწყვეტილება საქართველოს ფინანსთა სამინისტროსთან კონსულტაციის შედეგად მიიღეს.
აჭარის ფინანსთა და ეკონომიკის მინისტრმა დღეს სხვადასხვა კომპანიების საინვესტიციო საქმიანობის ხელშესაწყობად განსახორციელებელი ღონისძიებების ნუსხა წარმოადგინა.
დღევანდელ სხდომაზე 6 საკითხი განიხილეს. მთავრობის გადაწყვეტილებით, ხანძრით დაზარალებული ოჯახების ფინანსურ დახმარება გაიზრდება.ხანძრით დაზარალებული ოჯახების ფინანსურ სახლის სრულად განადგურების შემთხვევაში დაზარალებულ ოჯახს აჭარის მთავრობის სარეზერვო ფონდიდან 15 000 ლარი გამოეყოფა, ხოლო საცხოვრებელი სახლის ნაწილობრივ განადგურების შემთხვევაში 10 000 ლარი.