04, მაისი 2017 20:05:00
მე-12 კლასის გამოცდები 21 მაისიდან დაიწყება. შეფასების და გამოცდების ეროვნული ცენტრის დირექტორის მოადგილის თქმით, პირველი გამოცდა ქართულ ენასა და ლიტერატურაში ჩატარდება. მომდევნო დღეებში გამოსაშვები კლასები გამოცდებს უცხო ენებში, ისტორიასა და მათემატიკაში ჩააბარებენ. რაც შეეხება მეთერთმეტე კლასის საგამოცდო განრიგს, 21 მაისს დაიწყება და 25 მაისის ჩათვლით გაგრძელდება. მოსწავლეებს ამ ეტაპზე გეოგრაფიის, ბიოლოგიის, ფიზიკისა და ქიმიის ჩაბარება უწევთ.