03, დეკემბერი 2019 21:43:00
ოთარ შოთაძე იმ ყოველდღიურ პრობლემაზე გვიყვება, რაც ოჯახს რამდენიმე წელია აწუხებს. მარტოხელა მამა-შვილი 35 კვადრატულ მეტრ ფართობზე ცხოვრობს. თავს ერთადერთი პენსიით ირჩენენ, რაც ხშირ შემთხვევაში წამლების შესაძენადაც არ ყოფნით. საკვები სასადილოდან მოაქვთ.
ოთარ შოთაძის ერთდერთი შვილის ჯანმრთელობის მდგომარეობა მძიმეა. 27 წლის კაცი დიაბეტის დიაგნოზით ახლაც სამედიცინო დაწესებულებაშია მოთავსებული. პრობლემები აქვს თავად ოთარ შოთაძესაც. ოჯახმა ბათუმის სოციალური მომსახურების სააგენტოს არაერთხელ მიმართა, თუმცა ოჯახმა ქულათა მაღალი შეფასება მიიღო.
მამა–შვილის სოციალურ პრობლემებზე საუბრობენ მეზობლებიც. ნუნი ვარშანიძისთვის გაუგებარია, თუ რატომ მოუხსნა სახელმწიფომ უკიდურესად გაჭირვებულებს სოციალურად დაუცველის სტატუსი. იგი ბათუმის მომსახურების სააგენტოს დროული რეაგირებისკენ მოუწოდებს.
ბათუმის მომსახურების სააგენტოში შოთაძეების პრობლემას იცბენ. ამბობენ, რომ 2019 წელს შემოწმების შედეგად ოჯახს მაღალი სარეიტინგო ქულები დაუფიქსირდა. სწორედ ამით ხნიან დაწესებულებაში უკისურესად გაჭშირვებულებისთვის ფინანსური დახმარების მოხსნის ფაქტს.
აღუდგება თუ არა შოთაძეებს დაკარგული სტატუსი, ეს იმაზეა დამოკიდებული, რამდენ ქულას მიანიჭებს სააგენტო ოჯახს განმეორებითი შესწავლის შემდგომ.